Да ранка – Дарую крыўды...
Автор: Ангелина Добровольская
...Да ранка –
Дарую крыўды.
Мой вораг,
Ці станеш сябрам?
Няхай самота акрые
Цябе ад бедаў-навалаў...
Да ранка –
Змайструю крылы,
Сябе агалю да пёрка.
Хай возьме іх той,
Хто мілы,
І верыць у мяне,
Дзіцёнак!...
І так –
Без крыўдаў і крылаў,
Акрыўшыся толькі сумам –
Пайду па зямлі астылай –
У свет ранішні,
Заўтрашні,
Судны...
https://holypoem.com/12440
@holypoem
