Агародня

Автор: Ангелина Добровольская

6. АГАРОДНЯ

Тут, паводле сведчанняў мясцовых жыхароў, спраўдзіўшы прадказанне св. прав. Іаана Кармянскага, у Свята-Нікольскі храм на Божую Літургію з’явілася Сама Найсвяцейшая Дзева Марыя з анёламі. Было гэта ў 30-я гады XX стагоддзя, амаль праз 20 год пасля смерці айца Іаана. У 1950-я гады храм быў разбураны. Цяпер на месцы яго алтара стаіць 3-мятровы дубовы крыж.
(3 «Жыція св. прав. Іаана Кармянскага»)


...Схілюся грэшнай галавою
I тварам упаду ў траву.
Дай, Госпадзе, мне быць з Табою —
Я ўсё тады перажыву.

Калі надыдзе час спакусы —
Дазволь мне сэрца ўтрымаць
I ад Цябе не адкаснуцца.
...Тут
ля Крыжа
стаяла Маці…

Бяздольным, з хвораю душою
Усяе пакуты не знясці.
Але іскрынкаю жывою —
Сам ацалі і асвяці.