Рытм сняжынак - як звон псалцiры...
Автор: Ангелина Добровольская
…Рытм сняжынак –
як звон псалціры,
струны гусляў…
Даруй нам, Божа.
Захавай душы нашы ў міры –
Светлым Словам Тваім
прыгожым.
Каб праз цемру,
што светам* клічам,
праз зямлю, нябёсы, аблокі –
Ты з’явіў нам Сваё Аблічча –
І ў шлях блаславіў далёкі.
Доўгі шлях –
за святлом з Усходу –
Віфлеемскае зоркі ззяннем –
за якою валхвы-народы
ўсё ідуць праз вякі-расстанні;
Верны шлях –
дзе Святло з Фавору –
Незямное –
з зямным зліецца,
І –
гаротным –
жывой вадою
ў душы грэшныя праліецца;
Вечны шлях –
ад зямлі пакутнай –
у пакінуты сад Эдэмскі…
Дзе ад попелу і атруты
пакаяннем
ачысцяцца сэрцы.
* светам – па царк.-слав. і па-руску “миром”
https://holypoem.com/12452
@holypoem
