Лепшая красуня на Зямлі
Автор: Марина Михалюк
Я пялёсткамі рамонкаў намалюю Беларусь,
Апрану яе ў адзенне льняна-чыстае.
Караную галаву вянком духмяных васількоў,
Хай ўсміхаецца вачыма рэк празрыстымі!
ПРЫПЕЎ:
Дзякуй, Божа, за краіну непаўторную маю,
Незвычайны водар клёнаў малахітавых!
Пахам кветак адгукаецца чароўнае "люблю"!
Адным лёсам мы з Радзімаю спавітыя!
Косы жытнія вясёлкамі ласкава ахіну,
Упрыгожу матылькамі легкакрылымі.
Жаваронкам, як жалейкаю, уранку зазваню
Ёй над пожнямі іржышча сэрцу мілымі.
Неабсяжнымі далонямі вітаюцца бары,
Замкі сонцам, старажытныя, асвечаны.
Мая Бацькаўшчына -- лепшая красуня на Зямлі,
Творцам Велічным убор яе расквечаны!
https://holypoem.com/1766
@holypoem
