Рэха Вечнасці

Автор: Марина Михалюк

Існаванне. Імгненне. Роспач.
Крык. Здзіўленне. Тамленне. Шэпт.
Захапленне. Чаканне. Поўнач.
Выяўленне. Святло. Запавет.

Палахлівы, агністы, стоены,
Разнастайны, чароўны, адзіны,
Пахам кветак у полі настоены,
Незвычайны водар Радзімы.

Грэе. Песціць. Шкадуе. Гушкае.
На далонях Сусвет трымае.
Йдзе, плыве, крочыць часу стужкаю.
Існуе. Чакае. Здзіўляе.

Чысты, шчыры, лагодны, узвышаны,
Незабруджаны, мяккі, родны,
Неабсяжны, чаканы, сцішаны
Голас Бацькі-Айца зваротны.

Палыхне. Заіскрыць. Трапечацца.
Замірае. Гарыць. Трымціць.
Адгукаецца рэхам Вечнасці.
Навучае на свеце жыць.
30.05.2014.
Добавить комментарий к стихотворению "Рэха Вечнасці":

Обязательные поля помечены *